Komisioni Evropian do të mbështesë vendet e Ballkanit Perëndimor për krizën energjetike. Von der Leyen në konferencën për shtyp ka deklaruar se Komisioni do të japë një paketë të konsiderueshëm mbështetëse për energjinë për Ballkanin Perëndimor.
Presidentja e Komsionit Europian, Ursula von der Leyen, tha se do të japin 1 mld euro për Ballkanin në formën e granteve. 500 mln euro do të miratohen në dhjetor dhe do t’i jepen 6 vendeve në muajin janar për të mbështetur familjet në nevojë dhe bizneset. Ndërkohë, 500 mln euro do të jepen për investime në infrastrukturën energjetike.
“Kjo krizë e pashembullt kërkon veprime dhe hapa të pashembullt. Kam kënaqësinë të deklaroj që Komisioni do të japë një paketë të konsiderueshëm mbështetëse për energjinë për Ballkanin Perëndimor 1 miliard euro në grante dhe ka dy pjesë të ndryshme. Pjesa e parë është 500 milion euro në grante si një mbështetje e menjëhershme financiare për të 6 vendet e Ballkanit Perëndimor, për t’i vënë ato në një pozitë që në një afat shumë të shkurtër t’i mbështesim familjet në nevojë dhe bizneset në nevojë.
Kjo paketë mbështetje do të miratohet në dhjetor dhe do të vihet në dispozicion në janar, brenda një afati shumë të shkurtër. 500 milionshi tjetër i eurove në grante do t’u kushtohet investimeve në infrastrukturën e energjisë.
Këto janë kryesisht në gaz dhe ndërlidhjes së energjisë elektrike për të patur një rrjet të përbashkët, e në lidhje në rajon me BE dhe është me shumë rëndësi edhe theksi tek investimet te energjia e ripërtëritshme sepse kjo na jep energji të pastër dhe na krijon vende të mira pune në vendet tona. Po ashtu edhe masa për efikasitetin e energjisë.
Do të forcojmë sigurinë e ofertës, e sigurimit duke lehtësuar dhe siguruar aksesin tek të gjitha tubacionet energjetike gazsjellëse për të gjitha ata, pra që në momentin që dikush të jetë jetë me probleme të marrë solidaritetin tonë të menjëhershëm”, është shprehur Von der Leyen.
