Nga Luigi Daniele “Linkiesta”
Unioni Kristiandemokrat, partia historike e qendrës së djathtë në Gjermani, që e ka qeverisur vendit në 16 vitet e fundit,dhe së cilës i përkasin figura të tilla si Konrad Adenauer dhe Helmut Kol, është në krizë në thellë. Ajo udhëheq ende në sondazhe, por mbështetja mund të zvogëlohet ndjeshëm deri në zgjedhjet parlamentare të shtatorit.
Shenjat e para u shfaqën që në vitin 2018, kur në zgjedhjet në landet Hesen dhe Bavari, CDU dhe CSU, versioni i saj bavarez, fituan me rezultate shumë më të ulëta se sa zakonisht. Ato zgjedhje shënuan rritjen e madhe të të Gjelbërve,e cila nuk është ndalur që nga ajo kohë.
Prej më shumë se një viti ata renditen të dytët në sondazhe, dhe sipas të gjitha
gjasave do të jenë protagonistë të zgjedhjeve të ardhshme parlamentare. Ndërkohë, kristiandemokratët po përballen me një zëvendësim të komplikuar të udhëheqjes, pasi Angela Merkel nuk do të garojë më për kancelare, ndërsa është larguar nga drejtimi i partisë që në vitin 2018.
Ajo u pasua nga e preferuara e saj, Anegret Kramp-Karrenbauer, që u detyrua të jepte dorëheqjen pas pak më shumë se 1 viti, teka Armin Lashet, kryetari i ri i zgjedhur në
janar të këtij viti gjithmonë si preferencë e Merkel, nuk gëzon shumë popullaritet.
Kohët e fundit, një seri skandalesh dhe menaxhimit i dobët i pandemisë,e kanë vënë në dyshim serioz besueshmërinë e CDU-së. Të dhënat nga vala e parë e Covid-19 në Gjermani ishin më të mira se sa ato të vendeve të tjera evropiane. Por javët e fundit situata është përkeqësuar shumë.
Midis muajve dhjetor dhe janar, vendi ka pasur mbi 600.000 raste të reja brenda pak ditësh,ndërsa tani rastet e reja kanë nisur të shtohen si rezultat i valës së tretë. Norma javore e të infektuarve për 100.000 banorë është aktualisht në 106.4, ndërsa vaksinimi po vazhdon shumë ngadalë (vetëm 3.9 për qind e popullsisë i ka marrë që të dyja dozat).
Për më tepër disa debate kanë përfshirë Ministrin e Shëndetësisë së CDU, Jens Shpan,
pas pezullimit të vaksinës së AstraZeneca, e cila e ka ngadalësuar më tej ritmin e vaksinimeve. Si për ta komplikuar më tej situatën, ndodhi edhe Maskenaffäre, skandali i maskave.
Deputetët Nikolas Lëbel (CDU) dhe Georg Nyslein (CSU), kanë fituar shumë para gjatë negociatave të kryera nga qeveria për furnizimin me maska. I pari fitoi rreth 250 mijë euro duke vepruar si ndërmjetës midis kompanive private, ndërsa i dyti 660 mijë euro nën dorë, pasi u përpoq të siguronte një tender qeveritar për një kompani private që drejtohej nga një i njohuri i tij.
Deri më sot vetëm Lëbel, ka dhënë dorëheqjen nga Bundestagu, ndërsa Nyslein është mjaftuar me njoftimin se nuk do të rikandidojë. Javët e fundit, deputeti i CDU-së në Bundestag, Mark Hauptman është përfshirë gjithashtu në një skandal.
Duke qenë botues i një gazete, ai kishte marrë para për reklama nga disa shtete të huaja.
Kriza u vërtetua edhe nga zgjedhjet lokale në 2 lande disa ditë më parë. Kjo e fundit ishte një goditje e rëndë për kristiandemokratët dhe sidomos për Armin Lashet. Posti që mban do ta bënte atë kandidatin më të natyrshëm për kancelar të CDU dhe CSU, por udhëheqja e tij duket e dobët.
Ai fitoi në zgjedhje përballë Fridrih Merc, kandidatit më në të djathtë dhe anti-Merkel, dhe testi i tij i parë zgjedhor solli një disfatë historike për kristiandemokratët.
Ndërkohë,akuza të forta për skandale korruptive ka edhe nga partitë e tjera, mes të cilëve edhe për Ministrin e Financave Olaf Sholc, njëherazi kandidat i socialdemokratëve për kancelar. Nga kjo situatë mund të përfitojë Markus Soder, kryeministri i landit të Bavarisë dhe udhëheqësi i CSU-së.
Konsensusi ndaj tij nga elektorati u rrit ndjeshëm gjatë pandemisë. Në janar, një sondazh i ARD, tregoi se ai shihet si i përshtatshëm për kancelar nga 55 për qind e votuesve gjermanë(80 për qind midis votuesve të CDU/CSU). Por as Soder nuk e ka rrugën e shtruar.
Së pari, edhe CSU ka gjithashtu skandalet e saj. Skandali i maskave, Maskenaffäre, ka përfshirë këtë javë edhe Alfred Sauter, një figurë e njohur e CSU-së bavareze. Sauter dha dy ditë më parë dorëheqjen nga postet partiake, ndërsa pretendoi se nuk ka shkelur asnjë ligj.
Tobias Zek, deputet i CSU në Bundestag, ishte gjithashtu objekt i një investigimi të “Der Spiegel”, që pretendon se ai ka lobuar për një parti maqedonase të përfshirë në disa afera korrupsioni. Si rrjedhojë e kësaj situate, javën e kaluar disa sondazhet e renditën CDU nën pragun psikologjik prej 30 për qind.
Një goditje shumë e fortë për një parti që është mësuar të qëndrojë në mënyrë të qëndrueshme rreth nivelit 40 për qind. Ditët e fundit, disa analistë në median gjermane kanë debatuar mbi atë sesa e rikuperueshme është situata për CDU.
Përveç dëmtimit të madh të imazhit të shkaktuar nga skandalet, elektorati kristiandemokrat
ka qenë prej kohësh i joshur nga të Gjelbrit, të cilët nëse konfirmohen sondazhet në shtator, do të jenë aleati i vetëm i mundshëm për CDU-në. Në fakt, në të djathtë liberalët e FDP janë shumë të dobët, ndërsa dallimet midis CDU-së dhe ekstremit të djathtë, AfD, janë shumë të thella për të menduar për ndonjë negociatë.
Paradoksalisht, këtë dinamikë e ka theksuar edhe centrizmi i Merkel. Me gjithë ndryshimet, sot të Gjelbrit dhe CDU po garojnë për disa segmente të elektoratit, dhe kjo garë në situatën aktuale mund të favorizojë të Gjelbrit.
burimi:https://www.linkiesta.it/2021/03/cdu-germania-merkel
Përshtatur për Tirana Today