Greqia ka marrë një ndihmë emergjente prej 209 mln eurosh për përballimin e krizës së refugjatëve.
Programin e ndihmës e kanë komunikuar në Athinë komisionerët përkatës të BE, Christos Stilianidis dhe Dhimitris Avramopoulos.
“Për refugjatët dhe emigrantët, kjo është një mënyrë për t’u integruar më mirë në shoqërinë greke. Siç e tha një prej kryebashkiakëve, është tjetër gjë të jetosh në kamp dhe tjetër gjë të jetosh me dinjitet”, tha Christos Stilianidhis, Komisioneri i BE për ndihmën humanitare dhe menaxhimin e krizës.
Qëllimi i kësaj ndihmë është që të rritet deri në 30.000 numri i refugjatëve që brenda këtij viti do të zënë shtëpi me qira në Greqinë Kontinentale dhe në ishuj, ndërsa një shumë prej prej 57.6 mln euro do t’u jepet refugjatëve në karta debiti mujore për të mbuluar nevojat emergjente në ushqime, barna dhe lëvizjen me mjetet e shërbimit urban.
Dhimitris Avramopoulos, komisioneri i BE-së për Emigracionin, tha se ajo që rrezikon themelet e Evropës nuk është kriza financiare, por është menaxhimi i krizës së refugjatëve:
“Europa është duke u testuar sot dhe në fund të fundit nuk është kriza financiare që rrezikon themelet e Europës, ashtu siç kanë besuar shumica, por është menaxhimi i krizës së refugjatëve”.
