Një ngjarje e rëndë është regjistruar në Bangladesh teksa një student është rrahur për vdekje në konviktin e tij.
Sipas BBC, Abrar Fahad u rrah për orë të tëra derisa ka gjetur vdekjen, pasi ky i fundit kishte kritikuar qeverinë në internet. Studentë të tjerë kanë thënë se studenti ishte marrë nga dhoma e tij rreth orës 20:00 (me orën lokale) dhe se ishte ushtruar dhunë ndaj tij për më shumë se 4 orë.
Mjeku i cili zhvilloi autopsinë e viktimës 21-vjeçare, u shpreh se trupi i studentit kishte plagë të rënda. BCL është akuzuar gjerësisht për torturimin dhe zhvatjeve e studentëve. Deri tani janë arrestuar 13 persona ndërsa 6 të tjerë të dyshuar janë në kërkim.
Zëvendës komisari i policisë së Dhaka, Munstasirul Islam konfirmoi se studenti ishte rrahur për vdekje. Një nga studentët e atij universiteti, ka pranuar që të flasë me BBC por me kushtin që identiteti i tij të mbetet anonim.
Ai tha se e kishte parë të gjallë 21-vjeçarin në orën 02:00 në dhomën ku ndaj tij ishte ushtruar dhunë.
“Unë e pashë Abrar në dhomën 2005, ai ishte akoma gjallë…Me ndihmën e disa studentëve të tjerë, unë e mbajta Abrar deri në fund të shkallëve. Ai ishte akoma gjallë dhe po thoshte: ‘Ju lutem më çoni shpejt në spital’”.
