Zëvendës Kryeministri italian Matteo Salvini ka shpërthyer sërish në akuza kundër Bashkimit Evropian, lidhur me çështjen e emigrantëve, ndërsa ka premtuar se do të “ndryshojë” jetën e italianëve dhe evropianëve ndaj kërkesave të Brukselit.
Udhëheqësi euroskeptik ka shpërthyer ndaj vendeve anëtare të Bashkimit Evropian si Gjermania, Franca dhe Spanja, sepse nuk arritën të ndihmonin kur Italia ajop kishte nevojë.
Salvini premtoi se do ndryshojë bllokun e Brukselit për hir të të gjithë qytetarëve evropianë duke filluar nga Italia.
Ai tha: “Duhet të them, e ndërsa nuk ka kaluar një muaj nga një ‘jo’ e thënë nga BE: Gjermania tha jo, Franca tha jo, Spanja tha jo , por isha jashtëzakonisht i kënaqur kur më erdhi një telefonatë nga Shqipëria dhe më tha ‘po’.
Do të isha i lumtur të dija se në 20-30 vjet, fëmijët tanë të hyjnë të lezojnë të lexojnë në gazeta dhe të kuptojnë se se këta ‘politikanë të çmendur’ kanë ndryshuar jetën e italianëve, por edhe atë të 500 milionë qytetarëve evropianë. Sepse nëse qëndrojmë të fortë, Italia do ta ndryshojë Evropën. Italia do të nisë ndryshimin që do të niset në të gjithë Evropën”, ka thënë ai në deklaratën e tij të fundit.
“Nëse Juncker e pëlqen ose jo”
Duke folur pas një takimi të ministrave e mbrojtjes të BE në Vjenë të enjten, kreu i partisë së ekstremit të djathtë Lega, deklaroi se Roma ishte “duke vlerësuar” nëse do të vazhdonte të bashkëpunonte në misionin e BE-së Sophia, për të shpëtuar emigrantët.
Ministri italiane e Mbrojtjes Elisabetta Trenta shprehu zhgënjimin e saj të enjten pasi nuk u arrit asnjë marrëveshje për ndryshimin e rregullave.
Ajo tha: “Ndjehem e zhgënjyer sepse e kam parë se Evropa nuk është këtu, dhe për këtë jam e sigurt. Ne do të vlerësojmë se çfarë duhet të bëjmë”.
Kjo vjen pasi Z. Salvini premtoi se vendi do të rrëzojë emigracionin e paligjshëm duke mbyllur portet e vendit për anijet që mbanin emigrantë.
Vendimi i tij nxiti për herë të parë një zemërim në radhë të Bashkimit Evropian dhe qeverisë italiane në qershor, kur z. Salvini la në det për pesë dit 630 persona, duke përfshirë gra shtatzëna dhe fëmijë.
Udhëheqësi i vrazhdë euroskeptik shpesh ka kritikuar për bllokun e Brukselit për mungesën e mbështetjes./TIRANA TODAY/