Dy shqiptarë që pretendonin se ishin refugjatë kosovarë kanë fituar betejën në Gjykatës Supreme në Angli, dhe tani kanë mundësi që të qëndrojë atje dhe nuk mund të dëbohen.
Në një shkrim të saj, The Sun shkruan pas këtij rasti, me mijëra tjerë tani mund të lejohen të rrinë në Britani edhe nëse kanë kryer krime të rënda.
Së paku 80,000 refugjatë nga Kosova ikën nga vendlindja e tyre dhe shkuan në Britani më 1999. Por me mijëra shqiptarë të Shqipërisë, mes tyre edhe vrasës, shfrytëzuan krizën e Kosovës si justifikim për të kërkuar azil.
Një ndër to është dhe 40-vjeçari Dinjan Hysaj, i cili qëndron në Britani që nga viti 1999, por, u dënua në vitin 2011 pas një sherri në të cilin u perfshi dhe goditi me shishe qelqi një person. Ai u dënua me 5 vjet.
Nga ana tjetër The Sun, shkruan se një tjetër shqiptar, Agron Bakijasi, 44 vjeç, u zbulua më 2007 kur partnerja e tij u kthye në Shqipëri. Por ai riaplikoi duke përdorur dokumente të falsifikuara dhe iu dha nënshtetësia britanike.
Ministria e Brendshme (Home Secretary) dha urdhër që të dy ata të deportoheshin pasi u zbuluan gënjeshtrat e tyre por ata e çuan rastin e tyre në Gjykatën Supreme.
Avokatët e tyre publikë ia dolën me sukses të argumentonin se gënjeshtra për të fituar nënshtetësinë nuk mjafton për t’ua mohuar atyre këtë të drejtë.
Gjykatësit vendosën se “nuk ishte e qartë kur përdorimi i identitetit të rremë për të fituar shtetësinë nga një person mund të çojë në anulim”.
Në vendimin e tyre, ata thanë: “Në rastet aktuale, asnjëri nga kërkuesit e shtetësisë nuk pretendonte të ishte dikush që nuk ishte”.TIRANA TODAY
