Një krim i rëndë ka tronditur dy ditë më para Italinë, ku një shqiptar ka qëlluar me thikë duke e lënë të vdekur në vend gruan e tij. Deri më tani bëhet e ditur se ka qenë xhelozia e gruas shkak i krimit, e cila është pista nga ku kanë nisur hetimet autoritete italiane.
Ishte 57-vjeçari shqiptar Xhevdet Mehmeti ai i cili ka qëlluar për vdekje me thikë gruan e tij 52-vjeçare
Elca Tereziu. Ajo u godit tre herë me thikën e kuzhinës nga burri i saj.
Mediat italiane, referuar deklaratës së dhënë nga avokati i shqiptarit, shkruajnë se shkak i sherrit që përfundoi tragjikisht, u bë një mesazh që gruaja pa në telefonin e të shoqit. Thuhet se ishte një mesazh që burri i kishte dërguar një kushërirës së tij në moshë, por me një emoji në fund, të cilën gruaja, raportohet se e ka keqkuptuar.
Pas kësaj, ajo ka telefonuar me urgjence vëllanë, duke iu ankuar për sjelljen e papërshtatshme të të shoqit. Me tej, mes tyre ka nisur sherri, me fjalë, me hedhje sendesh të forta dhe burri rrëmbeu thikën. Fundi me tej, dihet.
“Nga sot jeta ime ka marrë fund“, mësohet të ketë thënë autori, sipas mediave italiane, te cilat kanë nxjerre dëshminë e tij gjatë marrjes në pyetje në polici.
Shkaqet e ngjarjes mbeten ende të paqarta. Mediat italiane shkruajnë se mes tyre fillimisht kishte pasur një zënkë të ashpër që pati një fund tragjik. Madje thuhet se 52-vjeçarja ishte dhunuar edhe me pare, por nuk kishte bërë kurrë denoncim në polici.
Edhe dy fëmijët e çiftit, 17 dhe 19 vjeç u morën në pyetje nga autoritetet italiane dhe tani janë me familjarët e tyre.
Siç tha avokati i shqiptarit, citojnë mediat italiane, Mehmeti iu ishte përgjigjur të gjitha pyetjeve të karabinierëve.
“Është shumë i tronditur dhe po kupton atë që ka bërë, pavarësisht se nuk e mban mend mirë sulmin ndaj gruas”, tha ai.
Sipas këtij të fundit, në polici 57-vjeçari ka treguar për një martesë të vështirë dhe problematike, e vështirësuar edhe më shumë, sipas tij nga xhelozia pa motiv e bashkëshortes. Të paktën kështu ka pretenduar Mehmeti në polici.
