Dëshmia e psikologes së 20-vjeçares që u vra në Greqi, ka shtuar edhe më tej dyshimet e forta në lidhje me këtë ngjarje. Krimi horror që tronditi Greqinë, ka marrë një kthesë të frikshme. Pas deklaratës së psikologes, janë ngritur dyshimet se palë me autorët mund të ketë qenë edhe bashkëshorti i së ndjerës.
Psikologia e 20-vjeçares, Caroline Crouch, që u vra në banesën e saj disa javë më parë, ka folur për policinë greke. Duke iu referuar mediave, psikologia kishte dëshmuar se ata ishin një çift shumë i lumtur dhe i afërt. Po kështu piloti e shoqëronte gruan e tij në çdo seancë.
“Për këtë çift, unë kam vetëm më të mirën për të thënë. Ata gjithmonë bashkoheshin. Caroline nuk kishte shoqe. Ajo ishte një fëmijë 20-vjeç, e pashë si fëmijën tim. Ajo donte këshillën time sepse ishte pak e shqetësuar, por nuk kishte frikë nga asgjë.
Ajo ishte një fëmijë e qeshur, me qëllime, ankthi i saj kishte lidhje me fëmijën e saj. Para se të lindte, ajo kishte pësuar një abort spontan, ajo gjithashtu lindi Lydia-s para kohe, kështu që ju e kuptoni pse kishte ankth. Babis ishte shumë mbështetës në gjithçka”, tregoi ajo.
Ndonëse psikologia dëshmon për paqe në çift, sërish bashkëshorti mbetet i dyshuari kryesor. Kjo pasi pyetjet që ka ngritur policia, nuk po marrin dot përgjigje.
