Gazetarja e njohur Anila Hoxha, ka dhënë detaje në lidhje me ngjarjen e rëndë të ndodhur mbrëmjen e sotme në fshatin Dragostunjë të Librazhdit, ku 56-vjeçari Qemal Bici vrau me sopatë bashkëshorten e tij 53-vjeçare Menturie Bici, dhe më pas i dha fund jetës së tij.
E ftuar në emisionin ”Open” në Top Channel, Hoxha tha se sipas burimeve jozyrtare, shkak për ngjarjen e rëndë, mendohet se ishte xhelozia.
Ndër të tjera, Hoxha bëri me dije se autori Qemal Bici, njihej si një person i alkoolizuar dhe i dhunshëm.
Anila Hoxha: ”Jozyrtarisht thonë se çifti jetonte me djalin 20 vjeç që nuk ishte aty, por kur erdhi gjeti mamanë të masakruar të mbytur në gjak, pastaj gjeti babain. Paraprakisht thuhet se ka ndodhur për motive xhelozie. Ne pamë që gjatë pandemisë kishte një shtim të kërkesave për urdhër mbrojtje. Ajo që kam vërejtur është se shumica e këtyre kërkesave vijnë dhe janë shkaktuar nga bashkëshortë të alkoolizuar ose të varur nga droga.”
Çifti ishin prindër të katër fëmijëve, ku ka qenë pikërisht njëri prej tyre, që i ka gjetur ata të pajetë. Fëmija ka parë fillimisht të ëmën e pajetë në banesë, dhe më pas edhe babanë e varur në pamë, dhe i shokuar ka njoftuar policinë.
