Krim i rëndë raportohet të ketë ndodhur në Dibër. Policia bën të ditur se një i ri është gjetur i pajetë në oborrin e banesës.
Ngjarja ka ndodhur në fshatin Maqellarë dhe policia Ben me dije se viktima është shtetasi 32-vjeçar me inicialet E.K.
Policia ka nisur hetimin për zbardhjen e ngjarjes, ndërkohe që mësohet se janë ngritur pika kontrolli dhe po krihet e gjithë zona për identifikimin dhe kapjen e autorit të kësaj ngjarje.
Informacioni nga policia
Me datë 20.03.2018, rreth orës 01:30, është vrarë me armë zjarri, në oborrin e banesës së tij në Maqëllarë shtetasi E.K, rreth 32 vjeç .
Policia e Dibrës me të marrë njoftimin, ka shkuar në vendngjarje.
Janë ngritur pika kontrolli, si dhe po krihet e gjithë zona për identifikimin dhe kapjen e autorit të kësaj ngjarje.
Në vendin e ngjarjes janë sekuestruar prova të mundshme që mund të çojnë në zbardhjen e ngjarjes.
Grupi hetimor vijon hetimet në vendin e ngjarjes.
