Një 45-vjeçar shqiptar, identiteti i të cilit ende nuk bëhet me dije, është gjetur i vdekur pasditen e së shtunës pranë një parku lojërash në Selanik.
Policia greke hedh hije dyshimi se 45-vjeçari shqiptar është ekzekutuar nga djali i tij, i cili është shoqëruar në polici. Në fytyrën e viktimës kishte shenja të shumta plagësh.
Pas zbulimit të trupit të pajetë të 45-vjeçarit, oficerët e policisë e shoqëruan djalin e tij në Drejtorinë e Përgjithshme të Policisë së Selanikut, për ta marrë në pyetje.
Një dëshmitare në këtë rast është një grua e re shqiptare, që pretendohet se ka parë atë që ndodhi pranë sheshit të lojërave.
