Nga ana e shkencëtarëve është krijuar në kohë rekord vaksina PittCoVacc. Vaksina në fjalë me 400 mikrogjilpëra neutralizon koronavirusin.
Shpresat janë të mëdha, e ndërsa mendohet se brenda pak muajsh do të aplikohet tek njerëzit. Shkencëtarët e Universitetit të Pittsburgh, besojnë se mund të kenë gjetur vaksinën që neutralizon Covid-19.
PittCoVacc është një vaksinë në formë letre e llojit bandazh, që vendoset mbi lëkurë dhe vepron kundër koronavirusit. Mendohet se vaksina mund të prodhohet shpejt në një shkallë të madhe. Ajo është e përbërë nga 400 mikrogjilpëra që shkrihen në lëkurë brenda 2-3 minutave. Ato lëshojnë antigjenin, proteinën e veçantë e quajtur ‘spike’ që ndihmon në gjenerimin e antitrupave dhe lufton koronavirusin brenda tre javësh, derisa Covid-19 neutralizohet.
Kërkuesit e fushës thonë se ata e kanë testuar vaksinën tek minjtë, dhe kanë vënë re se ajo ka prodhuar antitrupa specifike për SARS-cov-2 në sasi. Sipas tyre, mund të jenë të mjaftueshme për të neutralizuar koronavirusin.
Vaksina PittCoVacc, është emri i shkurtuar i Vaksina Pittsburgh coronavirus, që sipas shkencëtarëve funksionon njësoj si një goditje kundrejt gripit, duke përdorur copa të proteinave virale të bëra në laborator për të forcuar imunitetin. Kur u testua në minj, PittCoVacc krijoi një rritje të antitrupave kundër SARS-cov-2 brenda dy javësh nga marrja e trajtimit.
Europa dhe Shtetet e Bashkuara të Amerikës janë vendet më numrin më të lartë të vdekjeve nga Covid-19.
Sipas të dhënave zyrtare deri tani, numri i vdekjeve në mbarë botën ka shkuar në 53 mijë persona.
10 vendet me numrin më të lartë të vdekjeve:
-Italia 13,915 të vdekur
-Spanja 10,348 të vdekur
-Shtetet e Bashkuara të Amerikës 5,911 të vdekur
-Franca 5,387 të vdekur
-Kina 3,322 të vdekur
-Irani 3,160 të vdekur
-Britania e Madhe 2,926 të vdekur
-Holanda 1,341 të vdekur
-Gjermania 1,107 të vdekur
-Belgjika 1,011 të vdekur
