Mbrëmjen e djeshme, ish-kryeministri Berisha ka reaguar në lidhje me ndalimin dhe shoqërimin në komisariat të kryetarit të PD-së Gramsh, Elmas Haruni.
Berisha, teksa ka ndarë me të gjithë ndjekësit në rrjetin social videon, ai e cilëson aktin banditesk. Ka qenë vetë Haruni i cili i ka dërguar një mesazh, e ku Berisha e ka ndarë me të gjithë qytetarët. Ai i shkruan se policia e Fatmir Xhafës po instalon diktaturën në vend.
“Narkopolicia e Noriegës ndalon pa asnjë shkak kryetarin e PD Gramsh, dhe manipulon videon!
Duke dënuar me ashpërsinë më të madhe aktin banditesk të narkobanditëve me uniformë të Edvinit, ju ftoj të lexoni mesazhin dhe shikoni videon e Elmas Harunit, kryetarit të PD Gramsh! sb
“Përshëndetjet dok Berisha.
Policia e Fatmir Xhafës po instalon diktaturën në gjithë Shqipërinë .
Dje policia me ka arrestuar në mes te qytetit, pa asnjë shkak.
Po ju dërgoj një pjesë të videos.
Me respekt Elmas Haruni”.
Kryetari i PD në Gramsh, Elmas Haruni, ka pasur një incident me policinë mbrëmjen e së premtes, (20 korrik). Zyrtari politik lokal është shoqëruar pasi kundërshtoi forcat e rendit.
Partia Demokratike reagoi për ngjarjen, duke thënë se ajo ka ndodhur ditën e zhvillimit të aktivitetit të degës lokale të kësaj force politike. Sipas PD, “me pretekstin e mosvënies së rripit të sigurimit, policia private e Edi Ramës dhe Fatmir Xhafajt arreston Kryetarin e PD Gramsh, Elmas Harunin dhe sekretarin organizativ të kësaj dege”.
