Ditën e sotme Komandanti i Gardës së Republikës Gramos Sako ka dalë para Komisionit të Jashtë të Vlerësimit. Trupa e Vlerësimit përbëhet nga Mirela Ujkani (Miti), Alban Laska, Artur Baku.
Siç raporton BW, në seancën dëgjimore të kreut të gardës komisioni ka ngritur shumë pikëpyetje dhe dyshime për pasurinë e tij. Sipas tyre, ai ka bërë deklarime të rreme dhe ka fshehur pasurinë.
KJV ka argumentuar se subjekti ka shlyer një kredi prej 3 mln lekësh në 3 vite pa argumentuar burimin e të ardhurave. Ka shitur fiktivisht një makinë “Toyota” 15 mijë euro dhe nuk ka deklaruar saktë blerjen e një apartamenti. Po ashtu ka pasur parregullsi në deklarimin e klinikës dentare ku punon bashkëshortja si edhe të ardhurat e përfituara prej saj. Subjekti në kundërshtim me ligjin ka qenë pronar i një bar kafe.
Sako ka hasur probleme dhe me pastërtinë e figurës. Sipas KJV Sako ka punësuar si juriste në gardë mbesën e tij. Në vlerësimin për formimin profesional ndaj tij nuk ka pasur dyshime.
