Besimtarët e krishterë festuan lindjen e Krishtit. Në katedralen e Shën Palit në Tiranë, besimtarët katolikë mbajtën meshën e mesnatës, ndërsa të krishterët ortodoksë do të luten në orët e para të ditës.
Me rastin e Krishtlindjeve, klerikët e lartë të krishterë kanë përcjellë mesazhet e tyre.
Imzot George Frendo: Me mishërimin e birit të vet, zhduku errësirat e botës dhe lindjen e tij të lume e shëndërriti këtë natë. Ai zhduktë prej jush errësirat e veseve dhe ndriçoftë zemrat tuaja me dritën e virtyteve. Hyji ju mbushtë dhe ju me gëzimin e vet dhe ju bëftë lajmëtarë të ungjillit të vet. Ju pajistë me dhuratën e paqes së vet dhe të vullnetit të mirë. Gëzuar Krishtlindjet!
Krishtlindja është një festë me origjinë romake, që festohet çdo vit në natën mes datës 24 dhe 25 dhjetor, dhe përgjatë tërë datës 25. Sot është ditë pushimi zyrtare, ku familjet mblidhen bashkë përreth një dreke festive, për të shkëmbyer dhurata.
