Ambasadori i Maltës në Finlandë, Michael Zammit Tabona është shkarkuar nga detyra pas një postimi në rrjetin social Facebook.
Në këtë të fundit, ai la të nënkuptohej se ka një ngjashmëri mes kancelares gjermane Angela Merkel dhe liderit nazist, Adolf Hitler.
“75 vjet më parë ne ndalëm Hitlerin. Kush do ta ndalojë Angela Merkelin? Ajo ka realizuar ëndrrën e Hitlerit për të kontrolluar Europën”, shkroi ai.
Menjëherë pas këtij postimi, Ministri i Jashtëm i Maltës, Evarist Bartolo e ka shkarkuar diplomatin nga detyra.
Ai e ka cilësuar krahasimin tepër të ekzagjeruar dhe të pavend, teksa shtoi se deklarata e tij nuk përfaqëson qëndrimin e shtetit të Maltës.
