Komisioni Qendror i Zgjedhjeve ka publikuar shifrën e pjesëmarrësve në votimet e 30 qershorit. Sipas KQZ-së, janë 21.6% të të gjithë qytetarëve me të drejtë vote, që kanë votuar në gjithë territorin e Shqipërisë.
Raportohet se 771 mijë e 863 qytetarë kanë ushtruar sot të drejtën e votës.
Kujtojmë se opozita ka pretenduar përgjatë gjithë ditës për një shifër më të ulët të pjesëmarrjes së qytetarëve.
Deklarata e plotë:
Komisioni Qendror i Zgjedhjeve informon opinion publik se janë mbyllur të gjithë qendrat e votimit.
Procesi i votimit ka vijuar normalisht në të gjithë vendin, duke përjashtuar 7 qendrat e votimit të KZAZ-nr. 2, Shkodër ku nuk u zhvillua votim.
Menjëherë pas mbylljeve të qendrave të votimit sipas procedurave të përcaktuara nga Kodi Zgjedhor, Komisionet e Qendrave të Votimit sipas proceduave ligjore kanë nisur procesinedorëzimin të kutive të votimit dhe kutive të materialeve zgjedhore nga Qendrat e Votimit drejt Vendeve të Numërimit të Votave.
Sipas të dhënave të raportuara nga Qendrat e Votimit në Komisionin Qendror të Zgjedhjeve, pjesëmarrja është si vijon:
Theksojmë se këto të dhëna janë paraprake.
Sipas përcaktimeve të Kodit Zgjedhor dhe akteve të KQZ-së, numërimi fillon vetëm pasi të jenë marrë në dorëzim nga KZAZ-të të gjitha kutitë e votimit me fletët e votimit dhe kutitë e materialeve zgjedhore nga të gjithë qendrat e votimit nën juridiksionin e saj.
