Komisioni i Ankesave dhe Sanksioneve, (KAS) ka shfuqizuar gjobën prej 75 mijë lekësh të vendosur nga KQZ për kryebashkiakun e Tiranës, Erion Veliaj.
1 javë më parë, KQZ gjobiti Veliajn, me arsyetimin se ai ka zhvilluar aktivitete që janë të ndaluara të bëhen 4 muaj para zgjedhjeve parlamentare.
Por, sipas relatorit të çështjes, Koli Bele, Erion Veliaj nuk është përgjegjës direkt për raportimin e aktiviteteve që zhvillon.
3 nga 5 anëtarët e Komisionit të Ankesave dhe Sanksioneve votuan pro anullimit të gjobës.
Sipas kodit të ri zgjedhor, Institucionet Vendore dhe Qendrore duhet të raportojnë paraprakisht për çdo aktivitet që do të kryejnë deri në 25 prill.
