Komisioni i Pavarur i Kualifikimit ka shtyrë për të dytën herë seancën dëgjimore për Shpresa Beçajn e cila është aktualisht gjyqtare në Gjykatën e Apelit Tiranë.
Ajo ka qenë kryetare e Gjykatës së Lartë.
“KPK do të publikojë njoftim zyrtar në lidhje me arsyen se përse u shty seanca për të dytën herë”, shkruan “abcnews.al”.
Kujtojmë se seanca e 3 Qershorit u shty për arsye se gjyqtarja ishte sëmurë dhe kishte paraqitur raport mjekësor.
Trupa gjyqësore që po kryen procesin e Vetting-ut për Beçajn përbëhet nga Suela Zhegu, Roland Ilia dhe Lulzim Hamitaj.
