Kozeta Kurti thumbon ish-zv.ministrin e Arsimit: “S’do qahem pse në tualete mungojnë topat e letrës”

Gazetarja Kozeta Kurti ka ndarë me miqtë e ndjekësit e saj, një letër drejtuar kryeministrit Rama. Ajo indirekt ironizon ish- zv.ministrin e Arsimit, Taulant Muka. Ky i fundit, në një intervistë të dhënë më herët, tha se problematikat në këtë institucion ishin nga më të shumtat.

Ai e nisi me mungesën e dokumentacioneve në zyrë, deri tek mungesa e ujit të pijshëm apo letrave higjienike.

Nga ana tjetër, Kozeta e cilëson veten si një qytetare pa parti, ndaj nuk kursehet me kritikat.

Ajo është kujdesur ti përçojë mesazhin Ramës se është aq e zënë me angazhimet e saj, sa nuk ka kohë për të “spiunuar” punimet e tyre shkencore.

Po kështu, gazetarja “betohet” se nuk do të ketë ankesa, pse në tualetet e institucionit ku do të shërbejë, nuk ka letra higjienike.

 

View this post on Instagram

 

I nderuar z. Kryeministër, Po Ju shkruaj për t’Ju shprehur dëshirën time për të dhënë kontributin tim për përmirësimin e cilësisë së jetës në Shqipëri. Vetëm se z. Kryeministër, unë nuk jam shkolluar jashtë, por në Universitetin e Tiranës, edhe pse me rezultate shumë të mira. Gjithashtu z. Kryeministër, unë s’e kam sharë kurrë me fjalë vulgare, as qeverinë që drejtoni Ju, as të tjerat që kanë drejtuar paraardhësit Tuaj. As nuk i kam lëvduar ato! Kurrë! Sepse nuk kam gjetur arsye bindëse. Unë gjithmonë e kam pasur me popullin e nënshtruar deri në pështirosje, ndaj njerëzve të veshur me pushtet. Gjithashtu z.Kryeministër jam shumë e zënë duke u marrë me angazhimet e mia për t’u futur nën të brendshmet e të tjerëve për të “spiunuar” punimet e tyre shkencore. Me këtë nuk po them se i justifikoj “hajdutët” e tezave, porse thjesht, po shpreh një mendim që vetëm ata që e kanë kohën me pash’, kanë luksin të survejojnë. Kur të ndeshem me përplasje që vënë në diskutim parimet e mia z.Kryeministër, do të bëj një raport të detajuar për të justifikuar tërheqjen time dhe betohem z. Kryeministër, unë nuk do të qahem kurrë pse në tualetet e institucionit ku Ju do të më dërgoni të shërbej, nuk ka letra higjenike. Ditën që do të ndodhë kjo, unë do të jem njeriu më i lumtur në botë, sepse do të kuptoj që më në fund Shqipëria është parajsa mbi tokë dhe të vetmet probleme që kanë mbetur ende pa zgjidhje, janë…topat e letrës… Mbetem në pritjes të përgjigjes Suaj, Me respekt, Kozeta Kurti Qytetare pa parti

A post shared by Kozeta (@kurtikozeta) on Nov 19, 2018 at 7:21am PST