Disa ditë pas takimit dy palësh që zgjati me orë të tëra në Kretë mes ministrit për Evropën dhe Punë e Jashtme, Ditmir Bushati, dhe homologut të tij grek Niko Kotzias ka ardhur një deklaratë nga ky i fundit. Në një intervistë për mediat greke ku ka folur për vizitën e presidenti turk në Greqi, Kotzias u shpreh se marrëdhëniet me Shqipërinë janë të mira dhe mund të ketë një marrëveshje pozitive, shkruan eklogika.gr.
I pyetur nëse Greqia dhe Shqipëria janë afër zgjidhjes së çështjeve dypalëshe në pritje, ai tha se të dyja palët janë “në një rrugë të mirë drejt një marrëveshjeje që do të jetë pozitive për të dy palët”.
Intervista:
Vizita e Presidentit Erdogan në Athinë, kreu i parë i shtetit post-1952, legjitimon pritjet për përparim thelbësor në marrëdhëniet greko-turke?
Një vizitë, e tillë e rëndësishme, nuk do çojë një zgjidhje e problemeve në mënyrë automatike, por ajo mund të ndihmojë për të përforcuar një perspektivë pozitive për marrëdhëniet mes vendeve tona. Unë shpesh pyes veten se ka nga ata që ngatërrojnë analizën me politikën e jashtme. Analiza, edhe nëse ajo rezulton negative, është që të nxjerrë në pah vështirësitë dhe të mos heqë dorë nga një politikë e jashtme aktive. Tjetër, nuk ka iluzione për vështirësitë në një marrëdhënie dhe për heqjen e zhvillimit pozitiv të një përpjekje partneriteti. Ne duam të punojmë në këtë drejtim të fundit. Së fundi, politika e jashtme duhet ta vlerësojë me urtësi dhe saktësi qëllimet dhe synimet ndaj çdo pjesëmarrësi. Për t’i racionalizuar këto synime.
Pas takimit të gjatë me homologun shqiptar në Kretë, jeni optimist për një zgjidhje-paketë të çështjeve dypalëshe të mbetura?
Përmes historisë së përbashkët të dy popujve tanë janë formuar varësi të shumta e të ndërthurura, vija përplasëse, mundësi miqësish. Kemi për detyrë të zgjidhim problemet e së kaluarës, të punojmë për të tashmen më të mirë të mundshme dhe të sigurojmë një axhendë pozitive bashkëpunimi për të ardhmen. Përsa i përket problemeve dhe mundësive të aksionit të përbashkët, të tjera kanë interes më të lartë për palën shqiptare, të tjera për atë greke. Trajtimi i përbashkët i tyre përbën atë që në teorinë e negociatave quhet “zgjidhja-paketë”, pasi në bazë të kësaj zgjidhjeje merret parasysh asimetria ekzistente e çdo rasti në interesat për tematika të ndryshme. Mendoj se jemi në rrugën e duhur për t’u drejtuar në një marrëveshje që do jetë pozitive për të dy palët.
Opozita greke kërkoi të përshkruanit negociatat me Ditmir Bushatin para se të fillonte takimi. Si e komentoni?
E konsideroj të paktën të mefshtë faktin që disa politikanë të opozitës kërkojnë para se të nisim një negociatë të flasim në publik, po në publik për propozimet dhe të rrëfejmë taktikën që do të ndjekim. Të njëjtën gjë bënë edhe në rastin e FYROM apo të Qipros. Ndoshta u mungon eksperienca e negociatave reale dhe kërkojnë të shpalosim tek të tretë strategjinë tonë negociatore, para kohe.
Ekzistojnë shenja ndryshimi në qëndrimin e qeverisë Rama ndaj Athinës zyrtare?
Kam vënë re se është bërë e qartë që perspektiva europiane e vendit është më e rëndësishme sesa çështje të tjera. Lexova dhe tekstet e fundit të tij që flasin për zhvillimin e një marrëdhënie strategjike Greqi-Shqipëri. Këto janë fakte pozitive. Kontribuojnë në zhvillimin e besimit dypalësh. Më lejoni, ama, të theksoj se opozita greke mori një lajm jo-ekzistent, domethënë fake-news që bazohej në një fjalim të Ramës para një viti, domethënë në kushtet e atëhershme. Në vazhdim e paraqiti sikur të ishte bërë pardje dhe më pas kanibalizonin Shqipërinë dhe mua për negociatat e fundit. Këto janë taktika të mefshta që nuk ndihmojnë për asgjë. Përveç rastit kur duan politikë të jashtme të ngathët dhe probleme të zvarritura pafund. Personalisht, refuzoj të bëj politikë të jashtme me sytë drejtuar mikropolitikës.TIRANA TODAY
