Nis sot takimi 3-ditor në Korçë mes ministrit të Jashtëm Ditmir Bushatit dhe homologut të tij grek, Nikos Kotzias.
Ky i fundit pritet të mbërrijë sot në territorin shqiptar nga pika kufitare e Kapshticës në mesditë.
Pas mbledhjes së mbajtur në Kretë, tashmë pritet që të zhvillohet tjetër takim kokë më kokë mes dy ministrave, të cilët shoqërohen nga i njëjti delegacion që ishte edhe pjesë e takimit në Kretë.
Takimi do të qëndrojë larg vëmendjes së medieve, ndërsa mësohet se kryefjala e bisedimeve do të jenë çështjet e hapura dy palëshe.
