Varianti Omicron ka shtuar frikshëm infektimet në Kosovë, e ndërsa pritet nga ekspertët që të shtrëngohen sot masat anti-COVID.
Në total numri i rasteve aktive është 7.266. Duke marrë shkas nga situata e rënduar me infektimet, sot pritet të mblidhet Komiteti për Vlerësim dhe Koordinim, për të shqyrtuar mundësinë e ndryshimit të masave aktuale. Nga fillimi i pandemisë, nga koronavirusi kanë ndërruar jetë 2.994 persona.
Në 24 orët e fundit janë dhënë 5.348 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.728.214 doza të vaksinës.
Deri më sot 798.225 qytetarë janë vaksinuar me dozën e dytë.
Po kështu janë dhënë 40.561 doza përforcuese, dhe 2.191 doza të treta të vaksinës kundër COVID-19.
