Komisioni Qendror i Zgjedhjeve shpalli sot rezultatet përfundimtare të zgjedhjeve parlamentare të 11 qershorit.
Sipas rezultateve fitues i zgjedhjeve është koalicioni PDK-AAK-Nisma e cila pasohet nga Lëvizja Vetëvendosje, kurse e treta është koalicioni LDK-AKR dhe Alternativa.
Koalicioni PAN do të ketë 39 mandate në Kuvendin e Kosovës, Lëvizja Vetëvendosje, 32 dhe koalicioni LAA do të ketë 29 mandate.
Pjesëmarrja në zgjedhje sipas të dhënave të KQZ-së ka qenë mbi 750 mijë apo rreth 42% ndërsa të drejtë vote kanë pasur mbi 1 milion e 872 mijë qytetarë të Kosovës.
