Numri i përgjithshëm i zgjedhësve që kanë votuar deri në orën 11:00, katër orë pas hapjes së procesit të votimit, është 151.077, ose 8.43 për qind, njofton KQZ e Kosovës.
1 milion e 872 mijë qytetarë kanë të drejtë vote nga të cilët 155 mijë janë votues të rinj.
Në këto zgjedhje marrin pjesë 5 koalicione, 19 parti politike dhe 2 nisma qytetare.
Në Kosovë po votohet për zgjedhje të përgjithshme, pasi Qeveria e Kosovës u rrëzua në Kuvend në 10 maj 2017, me anë të një mocioni mosbesimi të propozuar nga opozita.
