Instituti Kombëtar i Shëndetësisë Publike në Kosovë, ka njoftuar se gjatë 24 orëve të kaluara janë regjistruar edhe 12 viktima nga koronavirusi.
Sipas raportit ditor të IKSHPK-së, nga testimi i 1.555 mostrave janë regjistruar edhe 524 persona të infektuar me koronavirus.
Nga sëmundja, janë shëruar 566 pacientë ndërsa raste aktive janë 11.868.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 46.118 të prekur nga sëmundja COVID-19, prej tyre 1.186 kanë vdekur ndërsa 33.064 janë shëruar.
