Nisi sot në Kosovë procesi i votimit për zgjedhjet e parakohshme parlamentare. Në ora 07:00 janë hapur 889 qendrat e votimit për tu mbyllur në 19:00.
1 milion e 872 mijë qytetarë kanë të drejtë vote nga të cilët 155 mijë janë votues të rinj. Në këto zgjedhje marrin pjesë 5 koalicione, 19 parti politike dhe 2 iniciativa qytetare.
Procesi i votimit në Kosovë do të monitorohet nga një numër i konsiderueshëm i vëzhguesve vendorë dhe ndërkombëtarë, media vendore e ndërkombëtare dhe përfaqësues të trupave zgjedhore nga vendet e tjera. Gjithsej 29.264 vëzhgues janë akredituar për zgjedhjet e parakohshme parlamentare.
Qeveria e Kosovës u rrëzuar në Kuvend në 10 maj 2017, me anë të një mocioni mosbesimi të propozuar nga opozita.
