Sa herë që situata politike është acaruar dhe gjendja ekonomike e dy shteteve shqiptare Kosova dhe Shqipëria, qytetarët e dy vendeve fokusohen më shumë te bujqësia. Të dy vendet, dy vitet e fundit janë përballur me varfëri dhe kërkesa për braktisjen e vendit. Nga kjo shqiptarët kanë vendosur të investojnë në bujqësi më tepër duke pas të ardhura shumë të pakta ama kjo ju siguron mbijetesën.
Në Kosovë për vitin 2016 prodhimet bujqësore kanë pasur një rritje të ndjeshme që shënon një rritje të ndjeshme prej 17.5%, krahasuar me vitin 2015. Shifrat janë publikuar nga Agjencia e Statistikave të Kosovës (ASK). Ky publikim përfshin të dhëna për prodhimet bimore, prodhimet blegtorale dhe shpenzimet në ferma, në terma monetare.
Kultivimi i perimeve dhe bimëve foragjere ka shënuar rritje, por gjithashtu dhe prodhimet blegtorale gjithsej kanë shënuar rritje për 8.4% në vitin 2016, krahasuar me vitin 2015. Prodhimet bimore dhe blegtorale gjithsej janë rritur me 13.5% në vitin 2016, krahasuar me vitin 2015.
Ndërsa, konsumi i ndërmjetëm gjithsej ka shënuar rritje për 7.4% në vitin 2016, krahasuar me vitin 2015.
Të gjitha këto rritje automatikisht ulin dhe importet. Një nga vendet që importon më shumë produkte bujqësore Kosova është Shqipëria. Në këtë rast më e dëmtuara është Shqipëria megjithëse qeveria e Kosovës akoma nuk ka raportuar një ulje të importeve bujqësore që vijnë nga Shqipëria.
