E ardhmja e Kosovës në Bashkimin Evropian mund të jetë vetëm nëse ajo anëtarësohet me një status të veçantë. Spanja thotë se Kosova ka të ardhme në BE, me kushtin që ajo të shkojë atje si pjesë e rajonit të Serbisë. Madridi mban një qëndrim të ashpër ndaj Kosovës, pasi krijimi i një precedenti, krijon destabilizim në rajonin e Katalonjës-shkruan Tirana Today.
Madridi arriti të shtyp referendumin e pavarësisë së Katalonjës, ndërsa kryeministri u largua nga vendi pasi u lëshua një urdhër arresti ndërkombëtar për të, pasi akuzohej si iniciator i këtij referendumi. Edhe pse rajoni i Katalonjës, ka gjuhën dhe kulturën e vet, Spanja nuk heqë dorë nga zotërimi i këtij rajoni–shkruan Tirana Today.
Në artikull theksohet se Spanja do të pajtohet me Kosovën, por kjo duhet të jetë e “eklipsuar” si rajon i Serbisë. Mediat serbe shkruajnë se Kosova mund të bëhet pjesë e BE-së vetëm si një administratë e veçantë brenda Serbisë. Në këtë kuptim, spanjollët u kanë dërguar zyrtarëve të lartë të BE-së jo vetëm një ankesë me shkrim, siç është raportuar më parë, por disa dokumente me notë protestë
E përditshmja serbe “Vecernje Novosti” tha se ishte në gjendje të merrte një konfirmim për këtë nga Ministria e Jashtme spanjolle, e cila kishte mesazhin se Madridi se nuk do të tërhiqej nga ky qëndrim-shkruan Tirana Today.
“Qëndrimi i Spanjës në mos-njohjen e pavarësisë, e cila është shpallur në mënyrë të njëanshme nga Kosova, është i bazuar në mbrojtjen e parimeve të integritetit territorial të shteteve, respektimit të së drejtës ndërkombëtare, si dhe sundimin e ligjit”- thotë Zyra e Marrëdhënieve me Publikun e Ministrisë spanjolle i Punëve të Jashtme i tha gazetës së Beogradit.
“Gjithashtu raportohet se “gjendja me Katalonjën” ka forcuar përgjithmonë qëndrimin e Spanjës ndaj Kosovës. Madrid nuk dëshiron të dëgjojë ndonjë precedent, sepse kjo mundet, ndër të tjera, të përdoret nga disa nga rajonet e veta”-thuhet në artikull.
Pas referendumit të pavarësisë në vitin e kaluar në Katalonjë, dhe vlerësimin e Komisionit Evropian ku tha se nuk mund të krahasohet me Kosovën, për shkak se Spanja është pjesë e BE-së, ndërsa Serbia nuk është. Qeveria serbe ka përgatitur një letër protestë për Brukselin pas deklaratave të tilla. TIRANA TODAY
