Kosova ka ndaluar përkohësisht importin e vajit të palmës, djathit dhe produkteve të ngjashme të djathit me yndyrë bimore (vaji i palmës).
Lajmi u bë i ditur nga ministri i Tregtisë dhe Industrisë në Kosovë, Vesel Krasniqi.
Sipas këtij vendimi, mekanizmat inspektues të institucioneve të Kosovës obligohen që t’i inspektojnë dhe njëkohësisht edhe t’i obligojnë operatorët ekonomikë të bëjnë ndarjen e produkteve të qumështit me yndyrë bimore (vaj palme) prej atyre me origjinë shtazore nëpër pikat tregtare në tregun e Kosovës.
