Raportuesja për Kosovën, Ulrike Lunacek ka dhënë një lajm të mirë për qytetarët e Kosovës
Nënkryetarja e Parlamentit Europian, Lunacek përmes një statusi në rrjetin social “Twitter” në faqen e saj zyrtare ka njoftuar se Parlamenti Europian i ka dhënë sot dritën e gjelbër Marrëveshjes kornizë në mes të Kosovës dhe Bashkimit Europian për pjesëmarrjen në programet e BE-së.
“Parlamenti Europian i ka dhënë dritën e gjelbër marrëveshjes kornizë mes Kosovës dhe BE’së, për pjesëmarrjen në programet e BE-së, hap i madh për qytetarët e Kosovës”, ka shkruar Lunacek.
