Autoritetet shëndetësore në Kosovë njoftuan se janë regjistruar dhjetë raste të reja me koronavirus. Sipas Ministrisë së Shëndetësisë, kjo shifër mbi rastet e reja doli pas testimit të 2.143 mostrave. Në 24 orët e mëparshme janë shëruar dhe 16 pacientë.
Sipas të dhënave të fundit, që prej marsit të vitit 2020 e deri më 6 korrik, 2021, Kosova ka regjistruar 107.810 raste me COVID-19. Prej tyre, 2.161 persona kanë vdekur dhe 105.397 pacientë janë shëruar. Raste aktive janë 152.
Ministria e Shëndetësisë po ashtu njoftoi se gjatë 24 orëve paraprake, 13.397 persona janë vaksinuar kundër koronavirusit.
