Ministri i Mbrojtjes së Kosovës, Rrustem Berisha dhe homologu i tij turk, Hulusi Akar nënshkruan në Prishtinë një marrëveshje bashkëpunimi në fushën e mbrojtjes.
Sipas një njoftimi të Ministrisë së Mbrojtjes të Kosovës, marrëveshja parasheh bashkëpunimin midis dy institucioneve në fushat e interesit të përbashkët.
Ministri turk është takuar edhe më kryeministrin e Kosovës, Ramush Haradinaj, të cilët kanë diskutuar për raportet dypalëshe dhe përmirësimin e bashkëpunimit midis dy vendeve, ndërsa ministri turk nuk është prononcuar pas takimeve.
Mirëpo, agjencia turke e lajmeve Anatolian raportoi se Akar ka thënë se “pengesa Feto duhet të hiqet sa më shpejt që është e mundur”.
Feto është organizata e klerikut mysliman, Fetullah Gylen, të cilin Turqia e akuzon për terrorizëm dhe tentim grusht-shteti në vitin 2016.
