Lihet në burg ish-drejtori i Hipotekës në Shkodër, Zamir Leka. Gjykata e Apelit në Shkodër mori vendimin për Lekën. Ndërsa dha “arrest shtëpie” për ish-juristen Frida Mirashi.
Ish-drejtori i hipotekës, Zamir Leka ka kërkuar që t’i jepet një masë më lehtësuese për shkak të rrethanave familjare. Kjo pasi gruaja e tij është shtatzënë.
Madje, Leka është treguar i gatshëm të vendosë edhe garanci pasurore, por gjykata e apelit nuk e ka pranuar këtë kërkesë duke lënë në fuqi vendimin e shkallës së parë “arrest me burg”.
Ish-drejtori Leka akuzohet për korrupsion në lidhje me disa dosje gjatë kohës që drejtonte hipotekën e Shkodrës.
