Organizata Botërore e Shëndetësisë (OBSH), miratoi për përdorim emeregjent, një tjetër vaksinë kineze kundër koronavirusit, Sinovac.
Ky vendim i marrë nga OBSH, është një sinjal për rregullatorët kombëtar mbi sigurinë dhe efikasitetin e një produkti, shkruan agjencia e lajmeve, Reuters.
Ndërkohë, vaksina Sinovac pritet që të përfshihet edhe në COVAX, programi global për të siguruar doza kryesisht për vendet e varfra, të cilat aktualisht përballen me probleme të mëdha të furnizimit për shkak të pezullimit të eksporteve të vaksinave nga India.
Ekspertët kanë rekomanduar përdorimin e Sinovac për të rriturit mbi 18 vjeç, me një dozë të dytë 2-4 javë pas dozës së parë. Gjithashtu, përdorimi i Sinovac deri më tani nuk ka kufizime, pasi të dhënat sugjerojnë se ka të ngjarë të ketë një efekt mbrojtës edhe tek mosha e tretë.
