Epidemiologu Ilir Alimehmeti deklaroi se varianti indian i koronavirusit, Delta, është 40% më i transmetueshëm se varianti britanik Alpha, sipas një raporti nga CDC. Deklarata e Alimehemetit u bë ditën e sotme në një intervistë për Ora News.
Alimehemeti u shpreh se personat që kanë kaluar Covid-19, nuk preket nga varianti indian, teksa shtoi se “Delta” ka simptoma më të lehta, dhe ngatërrohet me viroza të tjera.
Ndër të tjera, epidemimologu tha se vaksinimi është shumë i rëndësishëm në luftën kundër pandemimsë, dhe rekomandoi qytetarët që t’i marrin të dyja dozat.
Ilir Alimehmeti: ”Nuk e kemi sepse nuk e kemi gjetur. Ne dimë që është i përhapur gjerësisht në Europë, ne e dimë që të gjithë shtetet rreth e rrotull nesh e kanë, gjithashtu dimë se ne nuk është se kemi barriera për të hyrë njerëzit, pra si rrjedhojë i kemi të gjitha kushtet që ai të jetë mes nesh por ne nuk mund ta gjejmë dot. Shqetësimi vjen kur rastet fillojnë e rriten, ai është momenti kur ne duhet të shkojmë me më shumë rëndësi sekuencimi në atë moment. Kurse përsa i përket rrezikshmërisë, raporti CDC, hedh dritë në shumë çështje, e para është shumë më i transmetueshëm, është 40% më i transmetueshëm se varianti britanik Alpha, nga krahu tjetër del se personat që e kanë kaluar më parë Sars-Cov-2 nuk kanë rrisk për infektimin nga Delta. Për sa i përket vaksinimit, kishte një ndryshim, duhet të merren të dy dozat, duhet vaksinimi i plotë.
Virusi Delta ka simptoma më të lehta, dhe ngatërruese edhe me viroza të tjera, më rrallë temperature dhe kollë, dhe humbja e shijes dhe nuhatjes nuk është te simptomat e para. Virusi është më pak i transmetueshëm dhe duket se bën më pak dëm tek personat e imunizuar. Tani në korrik të këtij viti një përqindje tejet e madhe e shqiptarëve e ka kaluar, nuk e dimë se sa është ajo, por shumica e ka kaluar. Po të shihni sot hartën e incidencës së Sars- Cov-2 në Europë, do shihni se Shqipëria, ka incidencën më të ulët në BE. Kjo është e lidhur për faktin se shumë prej nesh e kanë kaluar dhe shumica janë vaksinuar.”
