Edhe kontinenti i Afrikës duket të jetë “pushtuar” nga koronavirusi, teksa raportohet se në 47 prej 54 shteteve janë konfirmuar raste të virusit.
Qendra afrikane për kontrollin e parandalimin e sëmundjeve bëri me dije se deri më tani janë shënuar 5,255 raste me koronavirus. Ndërsa më shumë se 173 persona kanë humbur jetën nga virusi Covid-19.
Sipas agjencisë, mungesa e materialeve dhe testeve testuesve bën që numri i vërtetë të llogaritet më i lartë.
Rastet më të shumta (plot 1,326) janë shënuar në Afrikën e Jugut. Ndërkohë presidenti i këtij vendi ka deklaruar se do të nisë një program testimesh masive me rreth 10,000 punonjës në terren që do të shkojnë derë më derë.
Uganda dhe Botswana janë vendet më të fundit afrikane që kanë vendosur masa bllokimi të qyteteve për parandalimin e epidemisë.
