Lidhur me situatën e krijuar nga koronavirusi në Shqipëri, ku është pezulluar mësimi, Ministrja e Arsimit Besa Shahini ka reaguar duke hedhur poshtë zërat për shtyrjen e provimeve të maturës.
Shahini, përmes një njoftimi për mediat ka njoftuar se nuk është marrë asnjë vendim për shtyrjen e provimeve të maturës pasi nuk ka arsye.
NJOFTIM PËR MEDIA: “Ministrja Shahini vijon komunikimin me video-mesazh në rrjete sociale, adreson pyetjet e ngritura
Shahini për testimin e maturës: “Për momentin, nuk kemi asnjë arsye të mendojmë pse duhet të shtyhet”
Sikurse e ka paralajmëruar, Ministrja Besa Shahini vazhdon traditën e saj të komunikimit nëpërmjet video-mesazheve në rrjete sociale ku adreson në mënyrë të vazhdueshme pyetje që vijnë nga vetë nxënësit apo prindërit e interesuar.
Pyetjes “A do të vazhdojë nisma e leksioneve mësimore në RTSH edhe përtej datës 23 mars?”, Ministrja Shahini u shpreh se:
“Patjetër. Jemi në diskutim me RTSH për mënyrën më të mirë për të vazhduar përtej datës 23 mars. Deri tani nuk ka asnjë vendim për shtyrjen e provimeve të maturës për shkak se s’ka arsye.
Po ashtu ajo thekson se mësimi në RTSH do të vijojë edhe pas 23 marsit ku Ministria ka kërkuar më shumë programe për nxënësit si dhe 1 orë shtesë 13:30- 14:30 për maturantët”.
