Një burim raportoi për revistën People se Beatrice të York dhe Edoardo Mapelli Mozzi kanë anuluar dasmën, të planifikuar për datën 29 maj në Pallatin e Shën James.
“Ata as nuk po mendojnë për martesën e tyre tani. Do të vijë koha për të riorganizuar, por jo tani, ” tha një zëdhënës per People.
Edhe miqtë e çiftit thanë që të dy kanë qenë gjithmonë realistë se ishte e vështirë të festosh dasmën për shkak të urgjencës së Covid-19, por ata hoqën dorë nga dasma pa problem, duke e ditur që në këtë moment gjërat me të vërtetë të rëndësishme janë tjetër.
Dasma do të ishte festuar megjithatë në një mënyrë shumë intime, me disa miq dhe të afërm, jo në plot “stilin e dasmës mbretërore” si ato të Kate, Meghan dhe motrës së saj Eugenie.
Princesha dhe burri i ardhshëm e njohin njëri-tjetrin prej një kohe të gjatë, por ata vendosën të martoheshin gati pas një viti marrëdhënie.
Edoardo Mapelli Mozzi ka një kompani luksoze të pasurive të patundshme, është shkolluar në universitetet më të mira në Mbretërinë e Bashkuar dhe është babai i një djali katër vjeçar, nga një marrëdhënie e mëparshme. Beatrice do të bëhet anëtarja e parë e shtëpisë mbretërore që martohet me dikë që ka tashmë fëmijë.
