Koronavirusi i ka marrë jetën një infermiereje nga Peja. Lajmin në fjalë e ka përcjellë deputeti Veton Berisha, i cili thotë se COVID-19 i ka marrë jetën vjehrrës së tij, në moshën 63 vjeçare. Ndër të tjera ai njofton se varrimi i së ndjerës, Shkurte Gecaj, do të bëhet duke respektuar rregullat e rekomanduara nga Institucionet Shëndetësore.
Në Kosovë situata vijon të jetë e rënduar. Instituti Kombëtar i Shëndetit Publik bën të ditur se gjatë 24 orëve të fundit, janë testuar gjithsej 466 mostra, prej të cilëve rezultojnë 142 raste pozitive. Brenda 24 orëve janë raportuar 8 të vdekur.
Statusi
Njoftim mortorë!
Të dashur familjar, miq, gjithë ju dashmirë,
Ju njoftoj që sot më datë 13 gusht 2020 ndërroj jetë e dashura jonë vjehrra ime Shkurte Gecaj në moshën 63 vjeqare.
Varrimi i së ndjerës do të bëhet nesër më 14 gusht 2020, në varrezat e fshatit Novosellë të Komunës së Pejës në ora 18.00h, duke respektuar rregullat e rekomanduara nga Institucionet Shëndetësore.
Për ne mbetësh heroinë e vërtetë pasi që e sfidove vehtën deri në fund duke ndihmuar të tjerët për të shpëtuar nga ky Covid famkeq!
Do të mbetësh gjithmonë në kujtimet tona.
Zoti të shpërbleftë më Xhennet.
Faleminderit të gjithëve për lutjet tuaja!
Me respekt
Veton Berisha
