Autoritetet e Koresë së Veriut mohuan pohimet e mediave amerikane dhe porositën se nga Shtetet e Bashkuara të Amerikës (SHBA) nuk presin kurrfarë ndihme ekonomike në kuadër të procesit të ardhshëm të çarmatosjes bërthamore të Gadishullit Korean.
Shumë media amerikane, përfshirë edhe FOX News, CBS dhe CNN, bënë të ditur se Koreja e Veriut synon të pranojë të gjitha kushtet e SHBA-ve në procesin e çarmatosjes bërthamore, ndërsa si kthim presin ndihmë të madhe ekonomike, shkruan aa.
“Mediat amerikane edhe më tej krijojnë opinionin publik në mënyrën që edhe më tej pohojnë se Koreja e Veriut ulet në karrigen e bisedimeve me shpresë se do të fitojë ndihmë ekonomike. T’i sqarojmë gjërat, SHBA-të janë ata që të parët kërkuan negociata. Lidhur me ndihmën ekonomike, Koreja e Veriut këtë nuk e pret”, porositën autoritetet koreanoveriore të transmetuar nga gazeta shtetërore “Rodong Sinmun“.
Po ashtu theksohet se deri te lëvizja e madhe në raportet e Koresë së Veriut me SHBA-të ka ardhur vetëm falë dëshirës të Phenianit zyrtar për të ndërtuar paqe dhe stabilitet në botë.
