Koreja e Jugut ka paralajmëruar një valë të re infektimesh me koronavirus.
Ditën e sotme Koreja e Jugut raportoi për 34 raste të reja me COVID-19, që paraqet numrin më të madh të rasteve ditore gjatë një muaji.
Numri i përgjithshëm i personave të infektuar ka arritur në 10,874.
Kujtojmë se Koreja e Jugut ka ndërmarrë masa menjëherë pas paraqitjes së rasteve të para me koronavirus, duke u cilësuar si histori suksesi, për shkak të strategjisë agresive që përdori për të parandaluar përhapjen e mëtejme të virusit.
Dje, kryetari i Seulit urdhëroi sërish shtrëngimin e masave për shkak të frikës së shpërthimit të një vale të dytë.
