Ministrja e Mirëqenies Sociale dhe Rinisë, Xhulieta Kërtusha, ka kërkuar largimin nga detyra të drejtorit rajonal të Sigurimeve Shoqërore, Korçë, Ilir Bajlon.
Ministrja teknike i është drejtuar me një kërkesë drejtorit të Përgjithshëm të Sigurimeve Shoqërore, Astrit Hados, për shkarkimin e Bajlos, me motivacionin se ky i fundit nuk ka zbatuar ligjin për mospërfshirjen e administratës në aktivitete politike.
Kërtusha arsyeton propozimin e saj me informacionin se, Bajlo ka refuzuar shkarkimin e Luiza Qipos, përgjegjëse e Sigurimeve Shoqërore, Ersekë, pasi ka përdorur zyrën shtetërore për fushatë zgjedhore.
