Pas lajmit të publikuar në median britanike “Daily Mail”, ku theksi vihet tek kushtet skandaloze ku mbahen kafshët, politika nuk ka qëndruar në heshtje. Ministri i Mjedisit dhe Turizmit, Blendi Klosi, ka urdhëruar inspektimin e kopshtit zoologjik privat në Fier. Po kështu ai ka premtuar se kafshët do të merren në mbrojtje.
“Në përgjigje të lajmit të publikuar në “Daily Mail”, dhe dhjetëra mesazheve për situatën e papranueshme ku jetojnë disa kafshë në një kopësht zoologjik privat në Fier.
Urdhërova urgjentisht nisjen e një aksioni nga Inspektorati i Mjedisit. I cili në bashkëpunim me Policinë e Fierit dhe Shoqatën për Mbrojtjen e Kafshëve, kanë vendosur të zhvendosin kafshët, me qëllim marrjen e tyre në mbrojtje nga kjo e fundit.
Aksioni do të vijojë edhe nesër, deri në zgjidhjen përfundimtare të kësaj ngjarje të turpshme!”, thekson Klosi.
