Policia e Fierit ka vënë në pranga 5 shtetas, pasi gjatë kontrollit të ushtruar ndaj tyre u është gjetur doza narkotike të dyshuara Cannabis Sativa. Për kapjen e personave që janë në kërkim, e atyre që qarkullojnë me armë zjarri e që shpërdajnë lëndë narkotike, policia ka ushtruar kontrolle në lokale nate, ambiente të ndryshme dhe në akset rrugore të qytetit të Fierit, Patosit e Roskovecit.
Po gjatë kontrolleve u shoqëruan për verifikim 13 persona, kryesisht me precedentë penal të dyshuar për “Shpërndarje të lëndëve narkotike” dhe për “Vjedhje”.
“Vijon zbatim i planit të masave për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale”.
Në zbatim të këtij plani, Strukturat e Drejtorisë Vendore të Policisë Fier, të mbështetura nga FNSH Fier, kanë kryer kontrolle të befasishme.
Kontrollet janë kryer në lokale nate, ambiente të ndryshme, dhe në akset rrugore të qytetit të Fierit, Patosit e Roskovecit. Kontrollet për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike. Si rezultat i kontrolleve janë arrestuar 5 shtetas, 1 është proceduar në gjendje të lirë, dhe 1 tjetër është shpallur në kërkim.
Po gjatë kontrolleve u shoqëruan për verifikim 13 persona, kryesisht me precedentë penal të dyshuar për “Shpërndarje të lëndëve narkotike” dhe për “Vjedhje”.
Gjatë kontrolleve u kapën dhe u arrestuan në flagrancë 4 shtetas, të cilëve gjatë kontrollit fizik nga shërbimet e Policisë iu gjetën doza lëndë narkotike të dyshuara Cannabis Sativa, konkretisht shtetasit:
- D.D, banues në Roskovec
- J.Ç, banues në Roskovec
- M.H, banues në Roskove
- O.V, banues në Patos.
Gjithashtu, u kap shtetasi i shpallur në kërkim:
- Petrit H., 27 vjeç, banues në Mallakastër, për veprën penale “Vjedhje”.
Po në kuadër të kontrolleve të lokaleve, filloi procedimi penal për shtetasin:
- R.S, banues në Roskovec, për veprën penale “Organizimi i llotarive të palejuara”, si edhe u shpall në kërkim pronari i lokalit, shtetasi S.R, për veprat penale “Vënie në dispozicion të lokaleve për lojra të palejuara”, dhe “Organizim i llotarive të palejuara”.
Kontrollet do vijojnë në gjithë Qarkun e Fierit, për parandalimin dhe goditjen e paligjshmërisë, me qëllim rritjen e parametrave të sigurisë”.
