Tre të rinj kanë rënë në prangat e policisë së Sarandës, pasi gjatë kontrollit iu gjetën 3 kg lëndë narkotike të ndarë në dy pako.
Personat e arrestuar janë shtetasit me iniciale: Sh. 21 vjeç, A. A 22 vjeç dhe A. S. 19 vjeç. Ata ishin banues në zona të ndryshme të Konispolit.
Arrestimi i këtyre u bë pasi mbrëmjen e 25 gushtit, në afërsi të pikës së kalimit kufitar në Qafë Botë, pas një kontrolli u gjet dhe u sekuestrua në cilësinë e provës materiale një sasi lënde narkotike, e llojit marijuanë.
Ndërkohë, policia po punon për të zbardhur destinacionin e lëndës narkotike dhe identifikimin e bashkëpunëtorëve të personave të arrestuar.
