Seanca e parë e Kuvendit zgjati vetëm pak minuta. Në këtë seancë u zgjodhën edhe deputetët që do të bëjnë verifikimin e mandateve të deputetëve.
Seanca u hap nga Besnik Bare, pasi deputeti më i vjetër në moshë i Kuvendit, ish-kryeministri Sali Berisha refuzoi të drejtonte seancën e Kuvendit e po ashtu edhe deputetet e tjerë më të vjetër në moshë pas tij.
Në nisje të seancës, para se të lexonte listën e deputetëve të rinj të kuvendit, Bare ftoi tre deputetët më të rinj në moshë të Kuvendit, si sekretaria e përkohshme. Ata janë, Anduel Xhindi i PS-së, Kejdi Mehmetaj e LSI-së dhe Izmira Ulqinaku e PD-së. Ndërsa komisioni i verifikimit te mandateve do te kryesohet nga Vasilika Hysi dhe në përbërje të tij do të jenë dhe Gent Strazimiri e Vangjel Tavo.
