Projekti i Unazës së Madhe në kryeqytet ka shkaktuar përplasje mes banorëve dhe punonjësve të IKMT-së dhe institucioneve të tjera shtetërore.
Ditën e sotme situata është tensionuar pranë zonës së Stacionit të Trenit, ku planifikohet që të prishen 38 godina në kuadër të zgjatimit të Bulevardit të Ri. Banorët e Bregut të Lumit janë duke bërë rezistencë, për të mos lejuar ndërhyrjen e fadromave.
Qytetarët shprehen se janë gjetur të papërgatitur për këtë ndërhyrje nga Bashkia e Tiranës, ndërsa në zonë janë vendosur një numër i madh policësh të cilët kanë krijuar edhe një kordon.
Dhjetëra policë me skafandra dhe mburoja kanë larguar me forcë disa gra tek Bregu i Lumit, që i kishin zënë rrugën fadromave për të mos lejuar shembjen e shtëpive të tyre.
Situata ka degraduar në përplasje fizike dhe një pjesë e grave kanë marrë në duar edhe gurë, ndërsa thonë se nga banesat e tyre do të dalin vetëm si kufoma. “O vdekje, o liri! Nuk ka rrugë tjetër për ne”, thërrasin banorët. Ndërkohë që mësohet se një prej zonjave i ka rënë të fikët.
Dhjetëra policë me skafandra dhe mburoja kanë larguar me forcë disa gra tek Bregu i Lumit, që i kishin zënë rrugën fadromave për të mos lejuar shembjen e shtëpive të tyre.
