Një konflikt është shënuar mbrëmjen e sotme në fshatin Zall-Herr të Tiranës.
Bëhet me dije se një shtetas ka plagosur me pistoletë 26-vjeçarin, Rexhep Qefalia, si dhe ka goditur me qytën e armës 23-vjeçarin, Redi Myrto.
Sipas BalkanWeb, autori i plagosjes është shtetasi Klodian Beshiri, me detyrë komando në Zall Herr.
Mësohet se dy të plagosurit ndodhen në spital, jashtë rrezikut për jetën. Shkak i konfliktit dyshohet të ketë qenë vëllai i njërit prej të plagosurve, 25-vjeçari, Danjel Myrto.
Ky i fundit është konfliktuar pasditen e djeshme me komandon, ndërsa vëllai i tij bashkë me tre persona të tjera kanë tentuar ta godasin Klodian Beshirin.
