Interi është në një moment mjaft delikat, pasi në rast se nuk do të arrij zonën Champions League do të detyrohet të largojë të paktën një nga lojtarët “big”. Por nuk është vetëm ky problemi në shtëpinë zikaltër, pasi nuk do të kenë mundësinë të blejnë edhe lojtarët që kanë në huazim dhe që kanë bindur.
Rafinha është një ndër lojtarët që ka bindur me lojën e tij, por ka treguar edhe një dashuri të madhe për fanellën që vesh. Ai ka fituar zemrat e tifozëve dhe dëshira e vetme është të qëndrojë në Milano. Nuk e dihet ende nëse Inter do të blerë përfundimisht Rafinha nga Barcelona, në fund të këtij sezoni. Shumë do të varet nga kualifikimi i skuadrës së Luciano Spalletti në edicionin e ardhshëm të Champions League.
Që të realizohet kjo blerje Interi duhet të bëjë një sforco ekonomike, pasi vlera e kartonit të tij është 35 milionë euro dhe Barcelona nuk e negocion çmimin. Këtë fakt e ka konfirmuar edhe babai-menaxher i lojtarit, ish-futbollisti kampion bote, Mazinho…
“Rafinha është shumë i lumtur te Inter, po punon mirë dhe po gjen hapësirë. Jemi shumë të lumtur, djali im është rritur shumë dhe tani mund të luajë një ndeshje për 90 minuta. Kemi një kontratë me Barcelonën dhe i takon Inter të vendosë nëse Rafinha do të qëndrojë apo jo. Gjithçka do të varet nga kualifikimi i Inter në Champions League.”
